Snowfall Bring Relief To Farmers برفباری سے کسانوں نے راحت کی سانس لی

وادی کے بالائی و میدانی علاقوں میں جمعہ کے روز برفباری ہوئی۔ بالائی علاقوں میں بھاری برفباری جبکہ میدانی علاقوں میں درمیانہ درجہ کی برفباری ہوئی ہے۔ تازہ برف باری سے کسانوں نے راحت کی سانس لی ہے۔Snowfall Bring Relief To Farmers

شوپیاں:محکمہ موسمیات کی پیشگوئی کے عین مطابق وادی کشمیر کے میدانی و پہاڑی علاقوں میں برفباری کا سلسلہ جاری ہے۔جمعہ کی اعلی صبح سے شہر سرینگر سمیت دیگر اضلاع میں برف باری کا سلسلہ شروع ہوا،جس دوران میدانی علاقوں میں درمیانہ درجے جبکہ پہاڑی علاقوں میں بھاری برفباری ہوئی ہے۔
درایں اثناء محکمہ موسمیات کا کہنا ہے کہ آج شام سے برف باری کی شدت میں بتدریج کمی آئے گی اور فلحال کل سے بھاری برفباری کا کوئی امکان نہیں ہے ۔

ادھر جنوبی ضلع شوپیاں میں بھی آج صبح سے برفباری کا سلسلہ جاری ہے جس کی وجہ عام زندگی مفلوج ہو کر رہ گئی ہے۔تازہ برف باری سے کسانوں نے راحت کی سانس لی ہے۔کسانوں کے مطابق یہ برفباری سیب و دیگر فصلوں کے لئے فائدہ مند ثابت ہوتی ہے۔

ضلع شوپیاں کے قصبہ سمیت تمام میدانی علاقوں میں 7 انچ برف جمع ہوگئی ہے جبکہ پہاڑی علاقوں ایک فٹ برف جمع ہوگئی ہے مونسپل کونسل شوپیاں نے قصبہ شوپیاں میں سڑکوں اور گلی کوچوں سے برف ہٹانے کا کام شروع کیا ہے اور بتایا کہ محکمہ پوری طرح سے تیار ہے اور کسی بھی صورتحال سے نمٹنے کے لیے عملہ اور منشنیری موجود ہے۔

وادی کشمیر کو ملک کے باقی حصوں کے ساتھ جوڑنے والی سرینگر- جموں قومی شاہراہ پر جمعے کے روز برف باری اور چٹانیں کھسک آنے کی وجہ سے ٹریفک کی نقل و حمل روک دی گئی ہے۔تاریخی مغل جو وادی کشمیر کو ملک کی دوسری ریاستوں سے ملانی والی واحد متبادل سڑک ہے بھی شدید برفباری کی وجہ سے ٹریفک کی آمد رفت کے لیے بند ہے۔

کولگام:جنوبی کشمیر کے ضلع کولگام کے پہاڑی علاقوں کے ساتھ ساتھ میدانی علاقوں میں بھی صبع سویرے سے ہی برف بھاری شروع ہوگئی ۔اگرچہ پہاڈی علاقوں میں کچھ دن قبل ہی برف باری ہوئی تھی۔ ضلع کے مین ٹاؤن میں دوپہر تک دو فٹ برف ریکارڈ کی گئی جب کہ پہاڈی علاقوں میں تین فٹ برف جمع ہوئی ۔

ضلع کے بیشتر علاقوں سے سڑک پر برف ہٹانے کے لیے مشینوں کو کام پر لگایا گیا جو مرحلے والے طریقوں سے سڑکوں پر برف ہٹارنے کا کام انجام دے رہے ہیں۔ انتظامیہ کے مطابق ضلع بھر میں پندرہ برف ہٹانے والے مشینوں کو کام پر لگایا گیا اور ضلع میں کئی کنڑول روم قائم کیے گیے۔

ذرائع کے مطابق ضلع کے دمحال ہانجی پورہ، اہربل، وٹو، منزگام ، باڈی جالن ،ہمپتری۔دینو کنڈی مرگ۔ والٹنگو ناڈ، نگین پورہ و دیگر پہاڈی علاقوں میں تین تین فٹ برف ریکاڈ کی گئی ہے جب کہ میدانی علاقوں میں دو دو فٹ برف ریکارڈ کی گئی ہے۔ برف بھاری کے سبب کئی دور دراز علاقوں میں بجلی اور پانی کی عدم دستیابی کی وجہ سے لوگوں کو کافی مشکلاتوں سے دوچار ہونا پڑ رہا ہے۔ادھر محکمہ موسمیات نے پیشن گوئی کی آئندہ کل سے موسم میں بہتری آنے کی امید ہے۔