Encounter in Shopian: شوپیاں انکاؤنٹر میں دو سویلین زخمی

جنوبی کشمیر کے شوپیاں ضلع میں سکیورٹی فورسیز اورعسکریت پسندوں کے درمیان انکاؤنٹر میں دو سویلین کے زخمی ہونے کی خبر ہے۔ زخمیوں میں سے ایک کی حالت نازک ہے۔

شوپیاں: جنوبی کشمیر کے شوپیان ضلع میں سکیورٹی فورسیز اور عسکریت پسندوں کے مابین انکاؤنٹر میں دو سویلین کے زخمی ہونے کی خبر ہے۔ ان میں سے ایک شخص کی حالت نازک بتائی جا رہی ہے۔ جموں و کشمیر پولیس کے آفیشیل ٹویٹر ہینڈل کے مطابق سکیورٹی فورسز نے شوپیاں کے پاندوشن علاقے میں عسکریت پسندوں کی موجودگی کی خفیہ اطلاع ملنے کے بعد علاقے کو محاصرہ میں لے کر سرچ آپریشن شروع کیا۔

Encounter in Shopian

رات 8 بج کر 30 منٹ پر فوج کی 34 راشٹریہ رائفلز سی آر پی ایف کی 14 بٹالین اور جموں و کشمیر پولیس نے ضلع شوپیان کے پاندوشن علاقے کو محاصرے میں لے کر یہ تلاشی مہم شروع کی، جس دوران چھپے ہوئے عسکریت پسندوں نے فورسز اہلکاروں پر فائرنگ کی اور موقع سے فرار ہونے کی کوشش کی، جس کے ساتھ ہی انکاؤنٹر شروع ہوگیا۔

پولیس نے ٹویٹ کر کے جانکاری دی کہ انکاؤنٹر کے دوران دو سویلین زخمی ہوگئے۔ دونوں زخمیوں کو اسپتال منتقل کر دیا گیا ہے۔ ان میں سے ایک کی حالت نازک ہے۔ پولیس نے علاقے کا محاصرہ مزید سخت کر دیا ہے۔ فی الحال علاقے میں عسکریت پسندوں اور سکیورٹی فورسز کے دمیان گولیوں کا تبادلہ جاری ہے۔