شوپیاں : فوج کی جانب سے جنوبی کشمیر کے اننت ناگ، کولگام، پلوامہ اور شوپیاں کے نوجوانوں کے لیے فوج کی طرف سے بٹہ پورہ اسپورٹس اسٹیڈیم شوپیاں میں جشن جنوب' تقریب کا اہتمام کیا گیا ۔اس تقریب میں جنوبی کشمیر کے مختلف اضلاع کے نوجوانوں شرکت کی اور فن کا مظاہرہ کیا۔
اسپورٹس فیسٹول 'جشن جنوب' 2022 کے تحت بٹہ پورہ شوپیاں میں مختلف کھیل مقابلے منعقد ہوئے۔ جن میں کافی میں کھلاڑیوں نے حصہ لیا۔
اس موقع پر فوجی افسر نے کہا کہ 'یہ پروگرام جشن آزادی کا ایک حصہ تھا'۔ انہوں نے کہا 'اس پروگرام میں ضلع کے مختلف علاقوں سے آئے ہوئے فنکاروں نے شرکت کرکے حاضرین کے دل موہ لیے ہیں'۔ انہوں نے کہا کہ 'ہماری آزادی کا مقصد ہمارے نوجوانوں کے ٹیلنٹ کو باہر لانا ہے تاکہ یہ نوجوان زندگی کے ہر شعبے میں آگے بڑھیں ۔ پروگرام کے دوران فنکاروں نے ہندی، پنجابی اور کشمیری زبان میں صوفیانہ کلام پیش کیے۔ جس سے معززین کافی متاثر ہوئے۔'