Apni Party Shopian Vice President Died شوپیاں اپنی پارٹی کے نائب صدر دل کا دورہ پڑنے سے انتقال کرگئے

اپنی پارٹی کے صدر الطاف بخاری نے شوپیاں ضلع کے نائب صدر عبدالقیوم شاہ کے انتقال پر افسوس کا اظہار کیا ۔ اپنے تعزیتی پیغام میں الطاف بخاری نے کہا کہ مرحوم پارٹی کے سب سے مخلص رہنماؤں میں سے ایک تھے۔

شوپیاں:جنوبی کشمیر کے شوپیاں ضلع کے داچھو ناگہ بل سے تعلق رکھنے والے اپنی پارٹی کے ڈسٹرکٹ وائس پریزیڈنٹ عبدالقیوم شاہ کو سینے میں تکلیف کی شکایت کے بعد سرینگر طبی مرکز پہنچایا گیا جہاں ان کا علاج کیا گیا اور آج شام کے قریب جب انہیں اپنے گھر شوپیاں واپس لایا جارہا تھا تو وہ راستہ میں انتقال کرگئے ۔
عبدالقیوم شاہ کی حرکت قلب بند ہونے سے موت کی خبر علاقہ میں پہنچتے ہی اپنی پارٹی کے کارکنوں میں غم کا ماحول چھا گیا۔عبدالقیوم شاہ اپنی پارٹی کے ساتھ منسلک تھے اور اپنی پارٹی کے وائس پریزیڈنٹ ضلع شوپیاں بھی تھے ۔

apni party

عبدالقیوم کے انتقال پر کئی سیاسی و سماجی شخصیات نے دکھ کا اظہار کرتے ہوئے سوگوار خاندان سے تعزیت کا اظہار کیا ہے۔اپنی پارٹی کے صدر الطاف بخاری نے ان کے انتقال پر گہرے دکھ کا اظہار کیا۔ اپنے تعزیتی پیغام میں الفاط بخاری نے کہا کہ "میں قیوم صاحب کے انتقال پر گہرے صدمے اور غمزدہ ہوں جو پارٹی کے سب سے مخلص رہنماؤں میں سے ایک تھے"۔

ادھر اپنی پارٹی کے ڈی ڈی سی وائس چیئرمین ضلع شوپیاں عرفان منہاس نے بھی ان کے انتقال پر گہرے صدمے کا اظہار کیا ہے۔ انہوں نے کہا لہ مرحوم نے پارٹی کو ضلع شوپیاں میں مظبوط بنانے کے لیے کافی محنت کی ۔عرفان منہاس نے بتایا کہ عبدل القیوم کے اچانک انتقال کی وجہ سے اپنی پارٹی کے سبھی کارکنان صدمے میں ہے۔