سری نگر:ایڈیشنل ڈائریکٹر جنرل آف پولیس کشمیر رینج وجے کمار نے بدھ کے روز شوپیاں اور پلوامہ اضلاع کا دورہ کیا اور وہاں پرسیکورٹی منظر نامے کا جائزہ لیا۔ افسران کے ساتھ میٹنگ کے دوران اے ڈی جی پی نے جنوبی کشمیر میں سرگرم ملی ٹینٹوں کے خلاف آپریشنز میں تیزی لانے کے احکامات جاری کیے۔ پولیس کے ایک ترجمان نے بتایا کہ اے ڈی جی پی وجے کمار نے بدھ کے روز شوپیاں اور پلوامہ اضلاع کا دورہ کیا اور وہاں پر ڈی آئی جی، ایس ایس پی پیز اور دیگر سیکورٹی ایجنسیوں سے وابستہ آفیسران کے ساتھ میٹنگ کی۔
انہوں نے کہا کہ میٹنگ کے دوران اے ڈی جی پی کو جنوبی کشمیر کی سیکورٹی صورتحال کے بارے میں جانکاری فراہم کی گئی۔ معلوم ہوا ہے کہ اے ڈی جی پی نے میٹنگ کے دوران افسران کو ہدایت دی کہ وہ خصوصی ٹیمیں تشکیل دے کر سرگرم ملی ٹینٹوں کے خلاف بڑے پیمانے پر آپریشنز شروع کریں۔