سانبہ:جموں و کشمیر کے لیفٹیننٹ گورنر منوج سنہا بدھ کے روز جموں کے سانبہ ضلع پہنچے اور وہاں پر مشتبہ عسکریت پسندوں کی جانب سے ہلاک کی گئی خاتون استانی رجنی بالا کے اہل خانہ سے ملاقات کی۔ لیفٹیننٹ گورنر نے مہلوک استانی کے والدین و دیگر اہل خانہ کو تعزیت پیش کی۔ اس موقع پر ضلع کے دیگر اعلیٰ عہدیداران بھی ان کے ہمراہ تھے۔ LG Meets Slain Rajni Bala Family Members
منوج سنہا نے سانبہ پہنچ کر مہلوک استانی کے اہل خانہ سے ملاقات کی
ایل جی منوج سنہا نے اہل خانہ کو یقین دلایا کہ اُن کی ہر سطح پر مدد فراہم کی جائے گی۔ اس موقع پر نامہ نگاروں سے بات چیت کے دوران رجنی بالا کے شوہر نے بتایا کہ لیفٹیننٹ گورنر نے سبھی مانگوں کو پورا کرنے کا یقین دلایا ہے۔