سڑک حادثہ میں ڈرائیور ہلاک

ڈرائیور کو نیند لگ گئی تھی جس کے باعث ٹرک بے قابو ہو گیا اور دوسرے ٹرک سے ٹکرا گیا۔

جموں و کشمیر کے ضلع سانبا کے پلا موڑ کے قریب جموں پٹھان کوٹ قومی شاہرہ پر منگل کی صبح دو ٹرکوں کے آپسی تصادم میں ایک ڈرائیور ہلاک ہو گیا ہے۔

ڈرائیور کو نیند لگ گئی تھی جس کے باعث ٹرک بے قابو ہو گیا اور پٹھان کوٹ سے جموں جا رہے دوسرے ٹرک سے ٹکرا گیا۔

دوسرے ڈرائیور نے بتایا کہ اسے پتہ نہیں چلا کہ کیسے دوسرا ٹرک رانگ سائڈ پر آگیا اور اس سے ٹرک بے قابو ہو گیا۔

جائے حادثہ پر پولیس نے پہنچ کر معاملہ درج کر جانچ شروع کر دی ہے۔

ہلاک ڈرائیور کی لاش کو پولیس نے پوسٹ مارٹم کے لئے بھیج دیا گیا ہے۔