بی ایس ایف نے پاکستانی درنداز کو ہلاک کرنے کا دعویٰ کیا

ذرائع کے مطابق درنداز کو متعدد بار واپس جانے کو کہا گیا۔ تاہم وہ بی ایس فینس (دیوار) کی طرف پیش قدمی کرتا رہا جس کے بعد فوج گولی چلانے پر مجبور ہو گئی۔

بھارتی سرحدی فورس نے دعویٰ کیا ہے کہ انہوں نے پاکستان سے تعلق رکھنے والے ایک درنداز کو ہلاک کیا ہے۔

اطلاعات کے مطابق سرحدی حفاظتی فورس یعنی بی ایس ایف نے چک فکیرا، سانبہ سیکٹر میں ایک پاکستانی درنداز کو ہلاک کیا جو بھارتی حدود میں داخل ہونے کی کوشش کر رہا تھا۔

فوجی ذرائع کے مطابق درنداز کو متعدد بار واپس جانے کو کہا گیا تاہم وہ بی ایس فینس (دیوار) کی طرف پیش قدمی کرتا رہا جس کے بعد فوج گولی چلانے پر مجبور ہو گئی۔

بتایا گیا ہے کہ انٹرنیشنل بارڈر سے تقریباً چالیس میٹر دور (اپنی طرف) درنداز کی لاش کو برامد کیا گیا ہے۔

فوج کے مطابق یہ واقعہ صبح نو بجکر 45 منٹ پر پیش آیا۔

بی ایس ایف جموں کے ائی جی این ایس جموال نے میڈیا کو بتایا کہ پاکستان سانبہ اور کٹھوعہ علاقہ میں مسلسل درندازی کو کوشش کر رہا ہے تاہم سیکیورٹی ادارے مستعد ہیں اور کسی بھی صورتحال کا مقابلہ کرنے کے لئے تیار ہیں۔