ریاسی میں سڑک حادثہ، دو پولیس اہلکار ہلاک

جموں و کشمیر کے ریاسی میں پیش آئے سڑک حادثے میں دو پولیس اہلکار کے ہلاک ہونے کی اطلاع ہے۔

ضلع ریاسی کے سِمبل علاقے میں ایک کار زیر نمبر JK02CG-0752 حادثے کا شکار ہوئی جس میں دو پولیس اہلکار ہلاک ہو گئے ہیں۔

ہلاک شدہ پولیس اہلکاروں کی شناخت سب انسپکٹر عبدالعزیز اور اسسٹنٹ سب انسپکٹر مشتاق احمد کے طور پر ہوئی ہے۔ ان دونوں کا تعلق ضلع پونچھ کے تحصیل منڈی سے ہے۔

پولیس نے اس ضمن میں تحقیقات شروع کر دی ہے۔