ریاسی میں سڑک حادثہ، تین افراد ہلاک

جموں و کشمیر کے ضلع ریاسی میں پیش آئے سڑک حادثے میں کم از کم تین افراد کے ہلاک ہونے کی اطلاع ہے۔

تفصیلات کے مطابق ضلع ریاسی کے ماہور علاقے میں ایک کار حادثے کا شکار ہوئی جس میں تین افراد ہلاک ہوئے۔

پولیس ذرائع نے بتایا کہ ایک کار بڈر علاقے سے ماہور کی طرف جا رہی تھی، کہ اچانک سڑک پر اُلٹ گئی، جس کے نتیجے میں موقع پر ہی دو افراد ہلاک ہوئے جبکہ ایک شدید زخمی ہو گیا۔

زخمی کو فوری طور پر ہسپتال منتقل کیا گیا، تاہم وہ زخموں کی تاب نہ لا کر دم توڑ بیٹھا۔

ہلاک شدہ افراد کی شناخت محمد ایوب ولد نظیر احمد، بشیر احمد ولد ومر الدین اور محمد اقبال ولد نظیر احمد کے بطور ہوئی ہے۔