کام مکمل لیکن تنخواہ نہیں

ریاست جموں و کشمیر کے ضلع رامبن میں محکمہ تعلیم میں کام کر رہے ملازمین کو الیکشن ڈیوٹی کرنے کے بعد ابھی تک اس کی اجرت نہیں مل سکی۔

تفصیلات کے مطابق ان ملازمین میں خواتین کی تعداد زیادہ ہے اور ان ملازمین نے عام انتخابات اور پنچایتی انتخابات میں خدمات انجام دی تھیں لیکن انہیں ابھی انہیں الیکشن ڈیوٹی کی اضافی تنخواہ نہیں مل سکی اور وہ سرکاری دفتروں کے چکر کاٹنے پر مجبور ہیں۔

ملازمین ایسوسی ایشن کے صدور زیتون بیگم اور راجپال سنگھ نے کہا کہ دن رات ڈیوٹی کرنے کے باوجود انہیں اپنی محنت کی کمائی حاصل کرنے کے لیے دفتروں کا چکر کاٹنا پڑ رہا ہے۔

انہوں نے کہا کہ ملازمین کے پاس تمام کاغذات تیار ہیں لیکن پھر بھی انہیں پریشان کیا جا رہا ہے۔

ایسوسی ایشن نے گورنر انتظامیہ سے اپیل کی ہے فوری طور پر اس معاملے کو حل کریں ورنہ وہ سڑکوں پر آ کر صدائے اختجاج بلند کریں گے۔