جمہوریت کو مضبوط کرنے کے لیے بیداری مہم

ریاست جموں و کشمیر کے ضلع رام بن کے گورنمٹ ڈگری کالج بانہال میں ووٹرز کے لیے بیداری ریلی کا اہتمام کیا گیا۔ جس میں سینکڑوں طلبا و طلبات کے ساتھ ساتھ اساتذہ نے بھی شرکت کی۔

یہ ریلی کالج کیمپس سے ہوتے ہوئے بانہال کے مختلف بازاروں، گلی کوچوں سے گزر کر کالج میں اختتام پزیر ہوئی۔

منتظمین کے مطابق ریلی کا مقصد رائے دہندگی کی اہمیت و افادیت سے متعلق عوام الناس کو بیدار کرنا تھا۔

ریلی میں شامل طلباء ''ووٹ ہمارا حق ہے'' کا نعرہ بلند کر رہے تھے۔

اس موقعے پر طلباء و اساتذہ نے میڈیا کے ساتھ بات کرتے ہوئے کہا کہ لوگوں کو چاہئے کہ وہ ووٹ کے طاقت کو پہچانتے ہوئے بلا لحاظ مذہب و ملت، رنگ و نسل اور ذات پات، صحیح نمائندہ چُن کر جمہوری نظام کو مستحکم بنائیں۔