Two Youths Drowned in Chenab River: رام بن میں دو نوجوان چناب میں غرقاب

جموں و کشمیر کے ضلع رام بن میں دو نوجوان دریائے چناب میں ڈوب گئے، دونوں کو بازیاب کرنے کی کوششیں جاری ہیں۔ Youths Drowned in Chenab River in ramban

رام بن:جموں و کشمیر کے ضلع رام بن میں اتوار کی سہ پہر دریائے چناب میں نہانے کے دوران حادثاتی طور دو نوجوان ڈوب گئے۔ دونوں نوجوانوں کو بازیاب کرنے کی کوششیں جاری ہیں۔ حکام نے بتایا کہ ڈوبنے والے نوجوانوں کو بازیاب کرنے کی کوششیں جاری ہیں۔ تاہم ان کے مطابق نوجوانوں کے زندہ ہونے کی کوئی امید نہیں ہے۔ Two Youths Drowned in Chenab River

رام بن پولیس نے واقعے کی تصدیق کرتے ہوئے ای ٹی وی بھارت کو بتایا کہ 15سالہ نتیش کمار ولد کشور لال اور 16 سالہ پرویندر سنگھ ولد سورم سنگھ ساکنان دیارگلی، تحصیل راج دریائے چناب میں رام بن شہر کے جولا پل کے مقام پر نہانے کے دوران پانی کے تیز بہائو کی زد میں آکر ڈوب گئے۔ انہوں نے کہا کہ یہ واقعہ اتوار کی سہ پہر کو پیش آیا۔ Two Youths Drowned in Chenab River

انہوں نے مزید کہا کہ رام بن پولیس سمیت سول کیو آر ٹی، رام بن، کے رضاکاروں نے ریسکیو آپریشن شروع کر دیا ہے۔ خبر لکھے جانے تک دونوں نوجوانوں کی تلاش جاری تھی۔ دریں اثناء، ضلع رام بن میں ہی ایک اور حادثے کے دوران 55 سالہ رستم علی ولد مراد علی ڈار ساکن بھبھڑوتہ، راج گڑھ اُس وقت ہلاک ہو گئے جب وہ اپنے کھیتوں میں ہل چلاتے ہوئے مبینہ طور ایک ٹریکٹر کی زد میں آ گئے۔