رامبن میں سڑک حادثہ، دو زخمی

ضلع رامبن میں ایک موٹرسائیکل اور ٹرک کے درمیان ٹکر ہو گئی جس میں دو افراد زخمی ہوگئے۔

جموں وکشمیر کے ضلع رامبن میں ایک موٹرسائیکل اور ٹرک کی ٹکر ہوئی جس کے نتیجہ میں دو افراد زخمی ہوگئے۔
پولیس ذرائع کے مطابق موٹرسائیکل زیر نمبر JK02K-1602 اور ٹرک زیر نمبر JK02AD-1777 رامبن - گول قومی شاہراہ بی پر دھرمنکنڈ کے مقام پر ایک دوسرے سے ٹکرا گئے جس کے نتیجہ میں دو موٹرسائیکل سوار زخمی ہوگئے۔ ان میں ایک کی حالت تشویشناک بتائی جاتی ہے۔

زخمیوں کو ضلح ہسپتال رامبن منتقل کیا گیا ہے جہاں انکی شناخت ہرجیت سنگھ (32) ولد جگدیش سنگھ ساکنہ ڈیگیانہ جموں اور سندیپ پاٹھک (36) ولد بابا پاٹھک ساکنہ پوپی نسبت ہوئی ہے۔

اس سلسلہ میں دھرمنکنڈ پولیس نے معاملہ درج کر تحقیقات شروع کر دی ہے۔