جموں وکشمیر کے پہاڑی ضلع رامبن میں ایک سڑک حادثہ میں تین افراد زخمی ہو گئے ہیں، جن میں سے ایک کی حالت نازک بتائی جاتی ہے۔
پولیس ذرائع کے مطابق بیلورو زیر نمبری (جے کے 02 اے اے 3754) رامبن سے سنگلدان جا رہی تھی کہ اچانک دھرمکنڈ کے مقام پر سڑک سے لڑھک کر 300 فٹ گہرے کھائی میں جا گری، جس کے نتیجہ میں اس پر سوار تین لوگ شدید زخمی ہو گئے۔
پولیس نے بچاؤ مہم شروع کر کے زخمیوں کو ضلع ہسپتال رامبن منتقل کیا۔ زخمیوں کی شناخت محمد وسیم (28) ولد خورشید احمد، ابرار احمد (35) ولد محمد شفیع نصیر احمد (26) ولد محمد اسلم ساکنان چندرکورٹ تحصیل و ضلع رامبن کے بطور ہوئی۔
یہ بھی پڑھیں: دریائے جہلم میں گاڑی گرنے سے دو زخمی
ان میں ایک کی حالت نازک بتائی جاتی ہے۔ دھرمکنڈ تھانہ پولیس متعلقہ دفاعات کے تحت معاملہ درج کر کے تحقیقات شروع کردی ہے۔
