سڑک حادثے میں کمسن لڑکا ہلاک

ریاست جموں و کشمیر کے ضلع رام بن میں دھرمکنڈ-فمڑوت سڑک پر ایک کمسن لڑکا سڑک حادثے کا شکار ہوگیا۔

ذرائع کے مطابق دھرمکنڈ-فمڑوت سڑک پر ایک ٹریکٹر ڈرائیور نے سڑک کے کنارے ٹریکٹر کھڑا کر رکھا تھا کہ اسی دوران کچھ کم سن بچوں نے ٹریکٹر چلانے کوشش کی اور ٹریکٹر قابو سے باہر ہونے پر گہرے کھائی میں جا گری، جس کے سبب چھٹی کلاس کا طالب علم 12 سالہ محمد انیس موقعے پر ہی ہلاک ہو گیا۔

جبکہ دوسرے بچوں نے چھلانگ لگا کر اپنی جانیں بچا لیں۔ پولیس نے پوسٹ مارٹم کرنے کے بعد لاش کو اہل خانہ کے حوالہ کر دیا ہے۔

دھرم کنڈ پولیس تھانہ نے دفعہ 304 اے کے تحت معاملہ درج کر کے تفتیش شروع کردی ہے۔