رام بن: پہاڑی ضلع رام بن میں میونسپل کونسل سے منسلک یومیہ اجرت پر کام کر رہے صفائی کرمچاریوں کی کام چھوڑ ہڑتال ابھی تک جاری ہے۔ صفائی کرمچاریوں کی ہڑتال کے سبب قصبہ رام بن میں صاف صفائی کا نظام پوری طرح ٹھپ ہو کر رہ گیا ہے۔ احتجاجی دھرنے پر بیٹھے عارضی صفائی کرمچاریوں نے بتایا کہ وہ اپنی دیرینہ اور جائز مانگوں کو لیکر احتجاج کر رہے ہیں۔ Sweepers on Strike, Piles of garbage in Ramban Irks Commuters
ہڑتالی صفائی کرمچاریوں کا کہنا ہے کہ گزشتہ کئی برسوں سے وہ محکمہ میں بطور عارضی ملازمین کام کر رہے ہیں، انہوں نے کہا کہ صفائی کرمچاریوں کو نہ تو محکمہ میں مستقل کیا جا رہا ہے اور نہ ہی انہیں دیگر اتوار کے روز کام کرنے کی اجرت فراہم کی جا رہی ہے۔ احتجاج کر رہے صفائی کرمچاریوں نے کہا کہ انہیں بھی دیگر رہائیشیوں کی طرح قصبہ میں پھیلی گندگی کے سبب دشواریوں کا کرنا پڑ رہا ہے۔ انہوں نے اس ساری صورتحال کے لیے حکام کو مورد الزام ٹھہرایا۔
انہوں نے انتباہ کیا کہ اگر ان کی جائز مانگوں کو طور پر قبول نہ کیا گیا تو وہ احتجاج میں شدت لانے پر مجبور ہو جائیں گے۔