Suspected Explosion in Ramban: رامبن میں مشتبہ گرینیڈ حملے میں دو افراد معمولی زخمی

جموں و کشمیر کے ضلع رامبن کے گول علاقے میں منگل کی صبح ایک پولیس چوکی کے باہر مشتبہ گرینیڈ دھماکہ ہوا۔ اس حملے میں دو اہلکار معمولی طور پر زخمی ہوئے ہیں۔ وہیں پولیس کے مطابق حملہ جموں وکشمیر غزنوی فورس نے کیا۔Suspected Explosion in Ramban

رامبن: پولیس ذرائع نے بتایا کہ گول کے انڈ پولیس چوکی پر صبح پانچ بجے کے قریب کچھ دھماکہ خیز مواد سے حملہ کیا گیا۔ انہوں نے کہا کہ وہاں تعینات پولیس اہلکاروں نے پھُرتی کا مظاہرہ کرکے ہوا میں کچھ گولیاں چلائیں۔ حملے میں چوکی پر موجود دو اہلکار لال سنگھ اور ایس پی او شکیل احمد زخمی ہوئے ہیں۔ Suspected Explosion in Gool area of Ramban

رامبن پولیس چوکی پر مشتبہ گرینیڈ حملہ، دو افراد معمولی زخمی

حملے کے بعد پولیس اسٹیشن گول سے ایس ایچ او نظیر احمد کی قیادت میں ایک ٹیم موقع پر پہنچی جس کے دوران وہاں علاقے کا محاصرہ کیا گیا۔ تلاشی کےدوران وہاں پر ایک کاغذ ملا جس پر جموں کشمیر غزنوی فورس تحریر تھا۔

پولیس نے اس سلسلے میں ایف آئی آر زیر نمبر69/2022انڈر سیکشن آئی پی سی 307 درج کرکے آگے کی کاروائی شروع کی گئی۔

وہیں جموں زون کے ایڈیشنل ڈائریکٹر جنرل پولیس مکیش سنگھ نے اپنے ایک بیان میں کہا کہ ایک مکتوب برآمد ہوا ہے جس میں جموں وکشمیر غزنوی فورس نے اس حملے کی ذمہ داری قبول کی ہے۔ واقعے کے بعد سکیورٹی فورسز نے حملہ آوروں کی تلاش کے لیے بڑے پیمانے پر تلاشی آپریشن شروع کیا ہے۔

دریں اثناء ایس ایس پی رامبن موہتہ شرما نے واقعے کی تصدیق کرتے ہوئے کہا کہ فی الوقت یہ نہیں کہا جاسکتا ہے کہ آیا یہ گرینیڈ حملہ تھا یا نہیں تاہم اس ضمن میں تحقیقات کی جا رہی ہے۔