Traffic Update Srinagar Jammu Highway تازہ برف باری کے بعد سرینگر جموں قومی شاہراہ ٹریفک کیلئے بند

ٹریفک حکام کے مطابق سرینگر-جموں قومی شاہراہ پر جواہر ٹنل کے آر پار برف جمع ہوئی ہے جس کے پیش نظر شاہراہ کو ٹڑیفک کی آمدو رفت کے لیے بند کر دیا گیا ہے۔ ٹریفک حکام نے مسافروں سے اپیل کی کہ وہ شاہراہ پر سفر کرنے سے قبل متعلقہ حکام سے شاہراہ کی صورتحال کے بارے میں جانکاری حاصل کریں ۔

قاضی گنڈ:وادی کشمیر کو ملک کے باقی حصوں کے ساتھ جوڑنے والی سرینگر- جموں قومی شاہراہ پر برف باری اور چٹانیں کھسک آنے کی وجہ سے جمعہ ے روز کو ٹریفک کی نقل و حمل کیلئے بند کر دیا گیا۔ ٹریفک ذرائع نے بتایا کہ رامبن سیکٹر اور قاضی گنڈ میں برف باری کے باعث قومی شاہراہ پر ٹریفک کی نقل و حمل روک دی گئی۔

انہوں نے کہا کہ رامبن - بانہال سیکٹر میں قومی شاہراہ پر چٹانیں بھی کھسک آئی ہیں، جس کی وجہ سے شاہراہ پر ٹریفک کی آمد دورفت روک دی گئی ہے۔ ان کا کہنا تھا کہ شاہراہ پر ٹریفک کی آمد و رفت کو بحال کرنے کے لیے عملہ اور مشینری کو کام پر لگا دیا گیا ہے۔

ادھر وادی کو لداخ یونین ٹریٹری کے ساتھ جوڑنے والی سرینگر- لیہہ شاہراہ اور جنوبی کشمیر کے ضلع شوپیاں کو صوبہ جموں کے ضلع پونچھ کے ساتھ جوڑنے والا تاریخی مغل روڈ پہلے ہی بند ہیں۔

ٹریفک حکام نے مسافروں سے اپیل کی کہ وہ شاہراہ پر سفر کرنے سے قبل متعلقہ حکام سے شاہراہ کی صورتحال کے بارے میں جانکاری حاصل کریں ۔

قومی شاہراہ کے بند ہونے سے اہلیان وادی کو گونا گوں مشکلات سے دوچار ہونا پڑتا ہے۔ لوگوں کا کہنا ہے کہ شاہراہ کے بند ہوتے ہی جہاں ایک طرف اشیائے ضروری کی کمی پیدا ہو جاتی ہے تو وہیں دوسری طرف گراں فروشی بھی آسمان چھونے لگتی ہے۔