رامبن: سڑک حادثےمیں ایک شخص ہلاک، خاتون زخمی

کشتواڑ قومی شاہراھ بی پرسوفٹ کار ڈوڈہ سے بٹوٹ کی طرف آرہی تھی کہ کلومیٹر 9 کے مقام پر شاہراہ سے متصل 500 فٹ گہرے نالے میں جا گری۔

جموں کشمیر کے ضلع رامبن میں افسوسناک حادثہ پیش آیا۔

رامبن ضلع میں پیش آئے سڑک حادثے میں ایک شخص موقع پر ہلاک اور ایک خاتون شدید زخمی ہوگئی۔

پولیس ذرائع کے مطابق بٹوٹ کشتواڑ قومی شاہراھ بی پر سوفٹ کار ڈوڈہ سے بٹوٹ کی طرف آرہی تھی کہ کلومیٹر 9 کے مقام پر شاہراہ سے متصل 500 فٹ گہرے نالے میں جا گری۔ جس کے نتیجے میں اس پر سوار ڈرائیور کی موقع پر ہی موت واقع ہوگئی، جبکہ ایک خاتون کو شدید زخمی حالت میں مقامی لوگ اور پولیس نے شیر کشمیر ایمرجنسی ہسپتال بٹوٹ میں داخل کروایا۔

اس سلسلے میں پولیس نے معاملہ درج کر کے تحقیقات شروع کر دی ہے۔