سرینگر - جموں قومی شاہراہ پر سڑک حادثات کا نہ تھمنے والا سلسلہ جاری ہے۔ منگل کو ضلع رام بن میں حادثے کے دوران ایک شخص کی موت واقع ہو گئی جبکہ دو افراد شدید زخمی ہو گئے جنہیں فوری طور اسپتال منتقل کیا گیا۔
رام بن: سڑک حادثے میں ایک شخص ہلاک، دو افراد زخمی
ایس ایس پی رام بن کے مطابق ایک ٹرالر زیر رجسٹریشن نمبر RJ19GB-8209 جموں سے سرینگر کی جانب جا رہا تھا کہ ضلع کے بندر موڑ کے مقام پر ٹرک نمبر UP66-T-1883 کے ساتھ ٹکرا گیا۔
ٹکر اس قدر شدید تھی کہ دونوں گاڑیاں شاہراہ سے لڑھک کر قریب 300 فٹ گہری کھائی میں جا گریں۔