رامبن میں بلاک ڈولپمنٹ آفسر کے خلاف احتجاج

ریاست جموں و کشمیر کے ضلع رام بن کے علاقے اکڑ ہال میں بلاک ڈولپمنٹ آفسر انتظامیہ کے خلاف احتجاج کیا گیا۔

ضلع رامبن کے علاقے اکڑ ہال میں بلاک ڈولپمنٹ آفسر انتظامیہ کے خلاف احتجاج کیاگیا، علاقے میں کئی ماہ سے بلاک ڈولپمنٹ آفسر موجود نہ ہونے کی وجہ سے آئے دن عوام کو مشکلات کا سامنا کرنا پڑرہا ہے۔

مظاہرے میں شامل لوگوں کا کہنا تھا کہ' سوچھ بھارت مشن کے تحت بنائے گئے باتھ رومز کی رقم انہیں اب تک نہیں دی گئی، جس کی وجہ سے انہیں بیحد مشکلات کا سامنا ہے۔

انہوں نے گورنر انتظامیہ سے اپیل کی ہے کہ وہ جلد از جلد علاقے میں دوسرے بی ڈی او کو تعینات کریں تاکہ عوام کی مشکلات کا خاتمہ ہو سکے۔