'سیاسی رہنما اپنی سیاست چمکانے میں مصروف'

طارق سلیم نے کہا کہ ضلع میں لوگوں کو بنیادی سہولیات جیسے اسکول، ہسپتال اور پینے کا صاف پانی کی فراہمی اور سڑک رابطوں سے محروم رکھا گیا ہے،

جموں کشمیر کے ضلع رامبن میں کانگریس سینئر لیڈر طارق سلیم نے پریس کانفرنس سے خطاب کرتے ہوئے کہا کہ سیاسی گلیاروں میں اچانک ہورہی ہلچل ضلع رامبن کے سیاسی لیڈروں کی بوکھلاہٹ کا اظہار کر رہی ہے.

انہوں نے کہا 'عوامی مسائل کو اجاگر کرنے کے بجائے لیڈر اپنی سیاست چمکانے کیلئے ضلع ترقیاتی کونسل کے انتخابات میں کود پڑے ہیں اگر حکومت و انتظامیہ کو جمہوریت کو مضبوط کرنا ہوتا تو جموں و کشمیر میں اسمبلی انتخابات کرائے ہوتے'۔

انہوں نے کہا 'ضلع میں لوگوں کو بنیادی سہولیات جیسے اسکول، ہسپتال اور پینے کا صاف پانی کی فراہمی اور سڑک رابطوں سے محروم رکھا گیا ہے، لوگوں کے جائز مسائل حل کرنے کے بجائے کوئی قمیض پھاڑتا اور کوئی جھنڈا گاڑتا ہے'۔