زیرتعمیرسڑک کا کام مکمل نہ ہونے پرانتخابات کے دوران احتجاج

برسوں سے خستہ حال زیر تعمیر سڑک کا کام مکمل نہ ہونے پر انتخابات کے دواران رامبن کے گول میں کلمستہ حلقے کی عوام نے احتجاج کیا، تاہم ایڈیشنل ڈپٹی کمشنر نے لوگوں کو یقیں دہانی کرائی کہ زیر تعمیر سڑک کا کام ترجیحی بنیاد پرمکمل کرایا جائے گا۔ جس کے بعد لوگوں نے ووٹ ڈالے۔

جموں و کشمیر کے ضلع رامبن کے سب ڈویژن گول میں تیسرے مرحلے کے تحت ضلع ترقیاتی کونسل کے انتخابات کے دوران کلمستہ حلقے کے رائے دہندگان نے پولنگ مراکز پر اپنے مطالبات کے پیش نظر پرامن احتجاج کیا۔

پنچایت کے لوگوں کا یہ مطالبہ تھا کہ 20 سالوں سے کلمستہ میں زیر تعمیر سڑک کا کام اب تک تکمیل کو نہیں پہنچا ہے۔ جس کی جہ سے لوگوں کو زبردست مشکلات کا سامنا کرنا پڑتا ہے۔ انہوں نے انتخابات کا بائیکاٹ کر کے پولنگ مراکز کے باہر پرامن احتجاج کیا۔ تاہم ایڈیشنل ڈپٹی کمشنر نے لوگوں کو یقیں دھانی کرائی کہ سڑک کا کام ترجیحی بنیاد پر مکمل کرایا جائے گا۔ جس ے بعد لوگوں نے ووٹ ڈالنے شرع کیے۔

آپ کو بتادیں کہ جموں و کشمیر میں ڈی ڈی سی کے انتخابات جاری ہیں، آج یہاں تیسرے مرحلے کے تحت رائے دہنگان نے اپنے حق رائے کا استعمال کیا ہے۔ جموں کشمیر میں جاری ضلع ترقیاتی کونسل انتخابات کے تیسرے مرحلے میں ووٹنگ اختتام پذیر ہوگئی ہے، ایک بجے تک ووٹنگ کی شرح 43.03 فیصد درج کی گئی ہے۔