جموں و کشمیر کے ضلع رامبن کی تحصیل راجگڑھ میں تعینات ایک پٹواری کی پیر پھسلنے سے موت ہو گئی۔
پاؤں پھسلنے سے پٹواری ہلاک
پولیس جانکاری کے مطابق 'تحصیل راجگڑھ کے درو افتادہ گاوں ٹھٹھاہ میں تعینات پٹواری نواز احمد گنائی ولد بشیر احمد، ساکنہ مالیگام تحصیل پوکل پرستان گزشتہ روز دو فریقین کے درمیان زمینی تنازعہ میں تحصیلدار راجگڑھ کے حکم پر نشاندہی کرنے گیا تھا، واپسی پر پہاڑی سے نیچے اترتے ہوئے پیر پھسلنے کی وجہ سے گہر ی کھائی میں جا گرا'۔
حادثے کے فوراً بعد مقامی لوگوں اور محکمہ مال کے اہلکاروں نے شدید طور پر زخمی حالت میں پٹواری کو ضلع ہسپتال رامبن میں داخل کرایا۔