رام بن میں سڑک حادثہ، ڈرائیور زخمی

ریاست جموں کشمیر کے ضلع رام بن کے قومی شاہراہ پر سڑک حادثہ میں ایک شخص زخمی ہوگیا۔

پولیس کے مطابق ٹرک نمبر JK03F_1882 جموں سے سرینگر جا رہا تھا کہ شاہراہ کے چندرکورٹ کے مقام پرتیز رفتار کی وجہ سے ڈرائیور نے گاڑی پر توازن نہ رکھ سکا اور ٹرک نالے میں جاگرا۔

اس حادثہ میں ڈرائیور شاہد احمد ولد محمد یوسف باشندہ اچھابل اننت ناگ شدید طور پر زخمی ہوگیا۔

مقامی لوگوں، رضاکاروں اور پولیس نے زخمی کو ضلع ہسپتال رام بن میں داخل کیا جہاں ان کی حالت تشویشناک بتائی جاتی ہے۔

رامبن چندرکورٹ پولیس نے دفعہ 279 ,337 آر پی سی کے تحت معاملہ درج کر کے تحقیقات شروع کردی ہے ۔