جموں سرینگر قومی شاہراہ چھٹویں روز بھی بند

جموں سرینگر قومی شاہراہ پر چھٹے روز بھی ٹریفک کی نقل و حرکت مکمل طور سے بند ہے۔ شاہراہ کی بحالی کیلئے بی آر او کی جانب سے پل کی تعمیر کا کام جاری ہے۔

جموں سی نگر قومی شاہراہ پر مسافروں کو سخت مشکلات کا سامنا کر نا پڑرہا ہے۔ انتظامیہ کی جانب سے ناقص انتظامات کی وجہ سے خاص طور سے مریضوں کو سخت پریشانیوں کا سامنا کر نا پڑ رہا ہے۔

گذشتہ روز ڈگڈول کے مقام پر محمد قاسم نامی شخص پتھر لگنے سے شدید زخمی ہو گیا تھا، جس کے بعد انہیں ضلع اسپتال رامبن منتقل کیا گیا تھا۔ وہاں سے ابتدائی علاج کے بعد انہیں برزلہ منتقل کیا گیا۔

اسی دوران کیلا موڑ سے بانہال تک انہیں نجی گاڑی سے لے جایا گیا، وہاں سے انہیں محکمہ صحت کی جانب سے ایمبولینس فراہم کی گئی۔ وہیں، عام شہریوں کو بھی شاہراہ پر پیدل سفر کرنے میں زبردست مشکلات کا سامنا کرنا پڑ رہا ہے۔