غریب بچیوں کی شادی کے لیے 'جیو اور جینے دو' تنظیم کا تعاون

سماجی تنظیم جیو اور جینے دو کی جانب سے منعقدہ ایک پروگرام میں تنظیم کے صدر طارق شاہ نے پتنی ٹاپ علاقے کی عوام سے کہاکہ' حکومت کی جانب سے لائی اسکیموں کا فائدہ اٹھائیں اس کے لیے اپنے نام کا اندراج کرائیں کیونکہ ان پیسوں پرغریبوں کا حق ہے، جو انہیں ہی ملنا چاہئے

جموں و کشمیر کے ضلع رامبن کے پٹنی ٹاپ میں سماجی تنظیم جیو اور جینے دو کے صدر طارق شاہ و دیگر کارکنان کی موجودگی میں ایک پروگرام کا انعقاد کیا گیا۔ اس موقع پر پٹنی ٹاپ کے سرلاہ علاقے کی ایک غریب بچی کی شادی کے لیے تنظیم کی جانب سے مالی تعاون کیا گیا۔

پردھان طارق شاہ نے اس موقع پر بتایا کہ' تنظیم کی جانب سے غریب ضرورت مند بچیوں کی شادی کے لیے مالی تعاون دیا جا تا، اس سے قبل بھی کئی غریب بچیوں کے لیے تنظیم نے بڑھ چڑھ ان کا تعاون کیا ہے۔

انہوں نے مزید یہ بھی بتایا کہ' محکمہ سوشل ویلفئر کی جانب سے بھی ان لوگوں کو بھی تعاون دیا جاتا ہے جو لوگ تنظیم میں اپنا نام اندراج نہیں کرا پاتے یا جنہیں حکومت کی جانب سے لائی گئی اسکیم کا کوئی فائدہ نہیں پہنچتا۔ انہوں نے کہاکہ' غریب افراد کی مدد کے لیے ہمارے تنظیم 'جیو اور جینے دو' کے ساتھ ساتھ گرودوار پربندھک اور مختلف دیگر تنظیمیں اپنا تعاون دیتی ہیں تاکہ غریب بچیوں کی بھی شادی بآسانی ہوسکے۔

مزید انہوں نے حکومت اور محکمہ سوشل ویلفیئر سے درخواست کی کہ وہ ان ضرورت مندوں کو بھی ان اسکیم سے باخبر کریں اور ان کا نام بھی وقت رہتے اندراج کرادیں، تاکہ وہ لوگ بھی حکومت کے اسکیم کا فائدہ اٹھا سکیں۔

انہوں نے مزید بتایا کہ' ہمارے شہر میں تمام ایسی انڈشٹریز کے وہ افراد جو کارپوریٹ سوشل ریس پانسیبولیٹی' (سی ایس آر) کے تحت مالی تعاون کرتے ہیں، ان پر ایسے ہی غریب اور بی پی ایل افراد کا حق ہوتا ہے۔انہوں نے مزید کہاکہ' سی ایس آر کے پیسے کہاں جا رہے ہیں اس کا اب تک کسی کو علم نہیں ہو سکا ہے اور نہ اس بابت کسی کو کچھ بتایا گیا ہے۔

انہوں نے کہاکہ' اس تعلق سے ہماری حکومت اور انکم ٹیکس ڈپارنمنٹ اور انڈسٹریز ڈپارنمنٹ سے درخواست ہے کہ 'سی ایس آر' ان تنظیموں کو دی جائے جو کہ نیتی آیوگ سے رجسٹرڈ ہیں اور سماج کی خدمت کر رہے ہیں، ہماری تنظیم جیو اور جینے دو بھی نیتی آیوگ سے رجسٹرد ہے۔

انہوں نے کہا کہ تنظیم اور حکومت کی جانب سے غریبوں مجبوروں کے لیے لائی گئی اسکیم کی بابت انہیں باخبر کیا جائے تاکہ سبھی غریبوں کو ان کا حق ملے، دیہی علاقوں کے افراد کو ان اسکیم سے باخبر کرانے کے بعد انہیں کئی طرح کی سہولیات مہیا کرائی جارہی ہیں جو کہ نیتی آیوگ سے رجسٹرڈ ہیں۔ مزید غریب بچیوں کی شادی کےلیے بھی بھرپور تعاون دیا جا را ہے۔