مٹی کے تودے گرنے سے مزدور ہلاک

جموں و کشمیر کے ضلع رامبن میں مٹی کے تودے گر آنے سے مزدور ہلاک اور دوکان مالک شدید زخمی ہو گیا۔

پولیس ذرائع کے مطابق ضلع رامبن کے دور دراز گاندھری علاقہ میں کنگا بھٹنی رابطہ سڑک کے کنارے مشتاق احمد میر دوکان تعمیر کر رہا تھا کہ اچانک سڑک اوپر سے گر آئی اور مشتاق نامی شخص زخمی ہو گئے جبکہ ان کے ساتھ کام کر رہا مزدور ہلاک ہوگیا۔

احمد اشرف ولد عبد الغنی مٹی کے تودے کے نیچے دب کر ہلاک ہوگیا جبکہ مالک دوکان مشتاق احمد شدید زخمی ہو گئے۔

مقامی لوگوں نے حادثے کی خبر سنتے ہی بچاؤ مہم شروع کر ایک کی جان بچا لی جبکہ مزدور کی لاش تین گھنٹے کی مشقت کے بعد نکالنے میں کامیابی حاصل کی۔

پولیس نے معاملہ درج کر کے تحقیقات شروع کر دی اور زخمی کو ضلع ہسپتال رامبن منتقل کر دیا ہے۔

بتایا جاتا کہ دوکان مالک غیر قانونی طور پر دوکان بنانے کے لیے کھدائی کر رہا تھا تبھ یہ حادثہ پیش آیا۔