رامبن: سلنڈر دھماکہ میں جونیئر انجینئر زخمی

جموں و کشمیر کے ضلع رامبن میں ایک سلنڈر دھماکہ میں ٹیلی کام کمپنی بھارت سنچار نگم لمیٹیڈ (بی ایس این ایل) کا جونیئر انجینئر زخمی ہوگیا۔

پولیس جانکاری کے مطابق بی ایس این ایل کے سب ڈویژن رامبن میں تعینات جونیئر اینجیر عادل بشیر ولد بشیر احمد ساکنہ۔ بجبہاڑ ضلع اننت ناگ آج دوپہر اپنے رہائش گاہ کہوباغ رامبن میں کھانا بنا رہا تھا کہ اچانک ہنڈی گیس میں آگ لگ گئی انہوں نے فوری طور سلینڈر کو باہر پھنک دیا تاہم باہر زور دار دھماکے میں گیس سلنڈر پھٹ گیا جس کے نتیجہ میں انجینئر شدید طور زخمی ہو گیا۔

دھماکہ کی آواز سنتے ہی پاس میں ایس ڈی آر ایف کی ٹیم نے بچاؤ مہم شروع کر کے زخمی انجینئر کو ضلع ہسپتال رامبن منتقل کیا جہاں ڈاکٹروں نے ابتدائی علاج کے بعد گورنمنٹ میڈیکل کالج و ہسپتال سرینگر مزید علاج کے لیے ریفر کر دیا ہے۔