رام بن: متاثرین معاوضے کے انتظار میں

ریاست جموں کشمیر کے ضلع رام بن میں حالیہ بارشوں کی وجہ سے متعدد مکانات قابل رہائش نہ ہونے کی وجہ سے چار کنبے بے گھر ہو گئے۔

ای ٹی وی بھارت کے ساتھ بات کرتے ہوئے متاثرین نے بتایا کہ انہیں ابھی تک ابتدائی معاونت بھی فراہم نہیں کی گئی ہے۔

واضح رہے کہ بارش کی وجہ سے نقصانات کے بعد ضلع انتظامیہ نے متاثرہ رہائشی مکان اور باغ مالکان کو معاوضہ دینے کا اعلان کیا تھا۔

علاقے کے سرپنچ نے ای ٹی وی بھارت کو بتایا کہ کئی بار ضلع انتظامیہ کی نوٹس میں یہ بات لائی گئی تاہم ابھی تک متاثرین کو امداد نہیں دی گئی۔

قابل ذکر ہے کہ متاثرہ مکانات ضلع ترقیاتی دفتر سے صرف سو میٹر کی دوری پر واقع ہیں۔

متاثرین نے مزید کہا کہ انکے بچوں کی تعلیم بھی بری طرح متاثر ہو رہی ہے۔

تاہم اس سلسلے میں جب ای ٹی وی بھارت نے ضلع انتظامیہ سے بات کی تو انہوں نے ’’ضابطہ اخلاق‘‘ کا حوالہ دیتے ہوئے کچھ بھی کہنے سے انکار کر دیا۔