فاریسٹ ایکٹ کو جموں کشمیر میں فوری طور پر نافذ کرنے کا مطالبہ

کانگرس کے یوتھ لیڈر فیروز احمد خان نے مرکز کی طرف سے منظور شدہ فاریسٹ ایکٹ 2006 کو جموں کشمیر میں فوری طور پر نافذ کرنے کا مطالبہ کیا ہے۔

انہوں نے کہا 'گوجر بکروال برادری اور مخصوص طبقے کے لوگوں کو تجاوزات کے نام پر محکمہ جنگلات کے اہلکار تنگ کر رہے ہیں'۔

انہوں نے سخت اعتراض ظاہر کرتے ہوئے کہا کہ ' میتراہ رامبن میں اثر رسوخ رکھنے والے لوگوں نے جنگلات کی زمینوں پر عمارتیں، دکانیں اور اسکولیں تعمیر کی ہیں۔ خاطی افراد پر کارروائی کرنے کے بجائے محکمہ جنگلات غریب عوام اور گوجر بکروال اور مخصوص طبقے کو نشانہ بنا رہے ہیں'۔

گزشتہ روز مخصوص طبقے کے دو رہائشی مکانات توڑ دیے گئے تھے۔ وہیں ایک ہزار سے زیادہ مکانات، دکانیں اور اسکول محکمہ اور ضلع انتظامیہ کی ملی بھگت سے چند برسوں میں تیار کیے گئے ہیں۔

انہوں نے گورنر اور ضلع انتظامیہ سے مطالبہ کیا ہے حکومت کو چاہئے کی ان غریب لوگوں کو تجاوزات کے نام پر تنگ نہیں کیا جائے بہ صورت دیگر وہ احتجاج کرنے پر مجبور ہونگے۔