گرونانک کی یوم پیدائش پر جشن

جموں و کشمیر کے ضلع رامبن میں سکھ مذہب کے بانی بابا گرونانک کی 550 ویں یوم پیدائش بڑے جوش و خروش کے ساتھ منایا گیا۔

اس سلسلے میں رامبن گردوارہ میں ایک تقریب منعقد کی گئی۔ اس موقع پر ضلع بھر کے سکھ مذہب سے تعلق رکھنے والے عقیدت مندوں کے علاوہ دوسرے مذہب سے تعلق رکھنے والے لوگوں نے بھی شرکت کی۔

سکھ مذہب کے اس پرکاش دیوس پر کیرتن و خصوصی دعائیں محفل کا انعقاد کیا گیا، جس میں ضلع رامبن کے معزز شخصیات سمیت سابق ارکان اسمبلی اور پولیس کے اعلیٰ افسران جن میں ایس ایس پی رامبن سمیت کئی دیگر افسران نے شرکت کی۔

گردوارہ میں لنگر کا خاص اہتمام بھی کیا گیا تھا۔ لنگر کا کھانے سے سبھی لوگوں نے استفادہ کیا۔ تقریب کے بعد گردوارہ پر بندھک کمیٹی ضلع رامبن کے جنرل سکریٹری جنک سنگھ نے گرونانک کی سوانح حیات اور ان کے پیغام کا ذکر کرتے ہوے کہا کہ سکھ مذہب کے پہلے گرو نے امن یکجہتی اور غرباء کی مدد کے لئے جو پیغام دیا تھا آج اسے پوری دنیا میں عام کرنے کی ضرورت ہے۔