رام بن: سڑک حادثے میں چار افراد ہلاک، دو شدید زخمی

سرینگر - جموں قومی شاہراہ پر ضلع رام بن میں ایک دلدوز سڑک حادثہ کے دوران چار افراد ہلاک جبکہ دو دیگر شدید زخمی ہو گئے۔

سرینگر - جموں قومی شاہراہ پر موت کا خونی رقص جاری ہے۔ ضلع رام بن کے بانہال علاقے میں ہفتہ کو ایک دلدوز سڑک حادثے میں چار افراد زخمی ہلاک ہو گئے۔

اطلاعات کے مطابق وادی کشمیر سے جموں جا رہی ایک گاڑی ضلع رام بن کے ڈگڈول کے مقام پر حادثے کا شکار ہوگئی جس کے نتیجے میں گاڑی میں سوار چار افراد ہلاک اور دو دیگر شدید زخمی ہو گئے۔

زخمیوں کو فوری طور ضلع اسپتال رام بن پہنچایا گیا جہاں انکا علاج کیا جا رہا ہے۔

قابل ذکر ہے کہ سرینگر - جموں قومی شاہراہ پر آئے روز سڑک حادثات رونما ہوتے رہتے ہیں۔ یہ حادثات شاہراہ پر اکثر و بیشتر ضلع رام بن میں پیش آتے ہیں۔