رامبن: ہوٹل میں بھیانک آتشزدگی

جموں و کشمیر کے ضلع رامبن میں واقع ایک ہوٹل میں گیس لیک ہونے کے سبب آگ لگ گئی۔

پولیس ذرائع کے مطابق سب ڈویژن گول کے بازار میں ایک ہوٹل کے کچن سے آگ نمودار ہو کر پورے ہوٹل کو اپنی لپیٹ میں لے لیا۔

محکمہ فائر بریگیڈ اینڈ ایمرجنسی سروس اور پولیس نے بروقت کارروائی کر کے آگ پر قابو پا لیا، تاہم اس واردات میں ہوٹل مالک شفیق احمد بیگ کا سارا سامان جل کر راکھ کے ڈھیر میں تبدیل ہو گیا۔

محکمہ نے جموں و کشمیر بینک اور ایک مدرسہ کو آگ لگنے سے بچا لیا۔

موقع پرموجود لوگوں کا کہنا ہے کہ ہوٹل کے کچن میں گیس لیک ہو گئی تھی جس سے آگ لگ گئی۔ جب تک فائر سروس کو بلایا جاتا تب تک آگ کافی پھیل چکی تھی۔