بانہال کے چملواس کے جنگل میں آتشزدگی

جموں کشمیر کے پہاڑی ضلح رام بن کے فارسٹ ڈویژن رام بن رینج بانہال کے چملواس علاقے میں آگ کی ایک واردات نے سینکڑوں سرسبز درختوں کو اپنی لپیٹ میں لے لیا ہے.

ای ٹی وی بھارت کے نمائندے کو ملی جانکاری کے مطابق فارسٹ رینج کے کمپارٹمنٹ نمبر 53 چملواس میں آج شام قریب 8 بجے جنگل میں آگ لگ گئی اور سینکڑوں سرسبز درختوں کو آگ نے اپنی لپیٹ میں لے لیا ہے۔

محکمہ فارسٹ کے ملازمین اور مقامی لوگ آگ بجھانے کی کوشش کر رہے ہیں تاہم آخری خبر ملنے تک آگ پر قابو نہیں پایا گیا تھا بتایا جاتا ہے کہ چملواس سب ڈویژن بانہال سے فریب 12 کلومیٹر کی دوری پر واقع ہے تاہم محکمہ فائر اینڈ ایمرجنسی کی جانب سے کوئی ٹیم موقع واردات تک نہیں پہنچ پائی ہے۔