مال بردار ٹرک سے لاش برآمد

جموں سرینگر قومی شاہراہ پر رامبن کے نزدیک پولیس نے دو دن سے کھڑے ٹرک میں سے ایک لاش برآمد کی ہے۔

پولیس ذرائع کے مطابق مال بردار ٹرک گزشتہ روز سے شاہراہ کے ماروگ کے مقام پر کھڑا تھا جس کی وجہ سے پولیس نے گاڑی کی تلاشی لی جس کے بعد اس میں سے ایک شخص کی لاش برآمد کی گئی۔

پولیس نے لاش کو ضلع اسپتال رامبن منتقل کیا، جہاں متوفی کی شناخت ڈرائیور ترسیم سنگھ عمر 45 سال ولد موہن سنگھ ساکن ہوشیار پور پنجاب کے طور پر کی گئی ہے۔

ذرائع کے مطابق مال بردار ٹرک وادی کشمیر سے واپس پنجاب کی طرف جارہا تھا۔

پولیس نے لاش کو پوسٹ مارٹم کے بعد وارثین کے حوالے کردیا ہے، اس سلسلے میں 174 سی ار پی سی کے تحت کاروائی شروع کردی ہے تاہم ابھی تک موت کی وجہ معلوم نہیں ہو سکی۔