جموں و کشمیر کے ضلع رامبن میں 32 ویں روڈ سیفٹی ماہ کا افتتاح کیا گیا۔ اس پروگرام کا اہتمام محکمہ ٹرانسپورٹ رامبن کی جانب بیداری پیدا کرنے کے لئے کیا گیا ہے۔ تاکہ روڈ سیفٹی کو بہتر بنایا جاسکے اور تمام شراکت داروں کو موقع دیا جائے کہ وہ روڈ سیفٹی کے لئے اپنا کردار ادا کریں۔
اس سلسلے میں ضلع ترقیاتی کمشنر نے کالج کے طلباء، ڈرائیورز اور دیگر تمام لوگوں کے ساتھ مختلف سرگرمیوں کا اہتمام کرتے ہوئے سڑک حادثات کی مختلف وجوہات اور ان سے بچاؤ کے اقدامات کے بارے میں آگاہی اور بیداری پروگرام منعقد کی، جو 17 جنوری تا 18 فروری تک جاری رہے گا۔
اس موقع پر روڈ سیفٹی سے متعلق ایک ریلی کا بھی اہتمام کیا گیا موٹڑسائیکل ریلی کو ضلع ترقیاتی کمپلکس سے ہری جھنڈی دکھا کر روانہ کیا گیا جو قصبہ رامبن، ہائر سکنڈری اسکول سے واپس ڈی سی کمپلکس پہنچ اختتام پذیر ہوئی۔