گول-رامبن شاہراہ پر تارکول بچھانے کا کام شروع، لوگوں میں خوشی کی لہر

مقامی لوگوں نے سڑک کی مرمت پر خوشی کا اظہار کیا ہے۔ ان کا کہنا ہے کہ خستہ حال سڑک کی وجہ سے کئی بار حادثے پیش آتے تھے۔

جموں و کشمیر کے ضلع رامبن میں ضلع صدر مقام سے گول تک جانے والی 55 کلومیٹر لمبی شاہراہ کا تعمیری کام زور و شور سے جاری ہے۔ سڑک پر بارڈر روڈ آرگنائیزیشن کی جانب سے تارکول بچھائی جارہی ہے۔

وہیں مقامی لوگوں نے سڑک کی مرمت پر خوشی کا اظہار کیا ہے۔ ان کا کہنا ہے کہ خستہ حال سڑک کی وجہ سے کئی بار حادثے پیش آتے تھے۔ اس کے علاوہ انہیں شہر تک پہنچنے میں کئی گھنٹے صرف کرنے پڑتے تھے۔

ایک مقامی نوجوان نے بتایا 'پہلے ہم چار گھنٹوں تک مسلسل سفر کرنے کے بعد شہر پہنچتے تھے۔ لیکن اب سڑک کی مرمت کے بعد صرف ایک گھنٹہ میں ہی ہم شہر سے واپس گول کا سفر کر سکتے ہیں'۔