رامبن کے سب ڈویژن گول میں دفعہ 144 نافذ

وادی کمشیر کے حیدر پورہ میں تصادم کے دوران ہوئی شہری ہلاکتوں میں ایک شہری فمڑوت علاقے سے تعلق رکھتا تھا جس کے پیش نظر انتظامیہ کی جانب سے یہاں 144 نافذ کیا گیا ہے۔

جموں و کشمیر کے ضلع رامبن میں انتظامیہ کی جانب سے سب ڈویژن گول میں دفعہ 144 نافذ کر دی گئی ہے۔ اس تعلق سے ایڈیشنل ڈسٹرکٹ مجسٹریٹ شری ہربنس لال نے ایک حکم نامہ کے زیر نمبرDMR/1986-92 Date 17-11202بھیجا تھاجس کے بعد سب ڈویژن گول کے فمڑوت اور سیری پوری گاؤں میں دفعہ 144 نافذ کر دی گئی ہے۔

رامبن کے سب ڈویژن گول میں دفعہ 144 نافذ

اس قانون کے نفاذ کا مقصد ہے کہ چار سے زائد آدمی ایک جگہ جمع نہ ہوں اور کسی بھی جلسے و جلوس یا اجتماع اور احتجاج کی اجازت نہیں ہوگی۔

اس حکم نامہ میں ایس ایس رامبن کو سخت ہدایت دی گئی ہیں اور علاقے میں دفعہ 144 نافذ کرنے کے احکامات جاری کیے گئے ہیں۔

واضح رہے کہ وادی کے حیدر پورہ تصادم کے دوران ہوئی شہری ہلاکتوں میں ایک شہری فمڑوت علاقے سے تعلق رکھتا تھا جس کے پیش نظر انتظامیہ کی جانب سے یہ قدم اٹھایا گیا ہے۔