شوپیاں میں گذشتہ ماہ ہوئے فرضی تصادم (فوج نے اس تصادم کے فرضی ہونے کو تسلیم کیا ہے) میں ہلاک کیے جانے والے راجوری کے تین نوجوانوں کی لاشیں، جنہیں گانٹہ مولہ بارہمولہ میں واقع غیر ملکی جنگجوؤں کے لئے مخصوص قبرستان میں دفنایا گیا تھا، کو زائد از 70 دنوں بعد ہفتے کی صبح قبروں سے نکال کر ورثا کے حوالے کیا گیا۔
سرکاری ذرائع نے بتایا کہ گانٹہ مولہ بارہمولہ کے ایک قبرستان میں دفن کی جانے والی راجوری کے تین نوجوانوں کی لاشوں کو قبروں سے نکال کر لواحقین کے حوالے کیا گیا ہے۔
شوپیاں مبینہ فرضی تصادم
دریں اثنا، ہلاک شدگان میں سے ابرار احمد نامی 25 سالہ نوجوان کے والد محمد یوسف نے بتایا کہ ہم نے اپنے بچوں کی لاشیں حاصل کر لی ہیں۔