راجوری: داخلی و خارجی راستوں پر سیکیورٹی انتظامات سخت

صوبہ جموں کے راجوری ضلع میں حالیہ دنوں کے دوران پیش آئے عسکریت پسندی کے مختلف معاملات کو ذہن میں رکھتے ہوئے سیکیورٹی فورسز کو پوری طرح سے متحرک کر دیا گیا ہے، جبکہ ضلع کے تمام داخلی و خارجی راستوں پر انتظامات مزید سخت کر دیے گیے ہیں۔

گزشتہ دنوں ضلع کے سب ڈویژن تھنہ منڈی اور سرحدی تحصیل منجا کوٹ کے درمیانی علاقوں میں تلاشی کے دوران طرفین کے مابین فائرنگ کا تبادلہ ہو ا تھا، جس میں ایک عسکریت پسند کی ہلاکت و اسلحہ برآمد کرنے کا دعویٰ کیا گیا ہے۔

اس سے قبل بھی تھنہ منڈی سب ڈویژن کے دور افتادہ دیہات کے علاوہ سب ڈویژن نوشہری اور سندر بنی میں بھی اسی نوعیت کے واقعات پیش آچکے ہیں، جبکہ گزشتہ دو ماہ کے دوران سب ڈویژن نوشہرہ کے سرحدی علاقوں میں بھی دراندزی کی کوششیں ناکام بنائی گئی ہیں۔ ان واقعات کو دیکھتے ہوئے انتظامیہ نے سیکورٹی کو متحرک کر دیا ہے۔