لیفٹیننٹ گورنر نے اہل خانہ سے تعزیت کا اظہار کرتے ہوئے کہا کہ جموں و کشمیر انتظامیہ ان کے ساتھ مکمل تعاون کرے گی۔ انہوں نے اہل خانہ کو انصاف دلانے کی یقین دہانی بھی کرائی۔
فرضی انکاؤنٹر میں ہلاک تینوں نوجوان کے اہلخانہ سے ملاقات
منوج سنہا نے وزیر اعظم نریندر مودی کا یہ پیغام بھی پہنچایا کہ غم کی گھڑی میں حکومت غمزدہ کنبوں کے ساتھ کھڑی ہے اور حکومت کی طرف سے انہیں ہر ممکن تعاون فراہم کیا جائے گا۔
اس سے قبل لیفٹیننٹ گورنر نے پیری علاقے میں بیک ٹو ویلج پروگرام کے موقع پر خطاب کرتے ہوئے کہا کہ دور دراز گاؤں کے ان کے دورے کا بنیادی مقصد لوگوں کو یہ یقین دلانا ہے کہ حکومت عوام کے ساتھ کھڑی ہے اور حکومت انصاف کے ساتھ مساوات کو یقینی بنائے گی۔