Senior BJP leader Kuldeep Raj Gupta passes away بی جے پی کے سینئر لیڈر کلدیپ راج گپتا کا انتقال

بی جے پی کے سینیئر رہنما و ریاستی ایڈوائزری بورڈ کے سابق نائب چیئرمین کلدیپ راج گپتا 90 برس میں طویل علالت کے بعد اپنی رہائش گاہ راجوری میں انتقال کر گئے۔

راجوری: سرحدی ضلع راجوری سے تعلق رکھنے والے بی جے پی کے سینیئر رہنما و ریاستی ایڈوائزری بورڈ کے سابق نائب چیئرمین کلدیپ راج گپتا 90 برس کی عمر میں طویل علالت کے بعد راجوری میں انتقال کر گئے۔

جموں و کشمیر ایل جی آفس نے ٹویٹ کے ذریعے انہیں خراج عقیدت پیش کرتے ہوئے کہا 'راجوری کے ممتاز پہاڑی لیڈر کلدیپ راج گپتا کے انتقال کی خبر سن کر انتہائی دکھ ہوا۔ وہ معاشی طور پر کمزور طبقات کی فلاح و بہبود کے لیے پُرعزم تھے۔ ان کی موت سے ہم ایک عظیم سماجی کارکن سے محروم ہو گئے ہیں۔ ان کے خاندان اور مداحوں سے میری تعزیت ہے۔'

خطہ پیرپنچال ایک سیاستداں سے محروم ہوگیا۔ وہیں کئی بی جے پی کے سینیئر لیڈر ان کی رہاش گاہ پر پہنچ چکے ہیں۔ آج 5 بجے ان کی آخری رسومات اداکی جائیں گی۔