Defused Explosives in Rajouri: راجوری میں دھماکہ خیز مواد کو سیکوریٹی فورسز نے ناکارہ بنایا

سرحدی ضلع راجوری کے گردن علاقہ میں پولیس نے آئی ای ڈی کو ناکارہ بنا دیا، لوگوں نے مشکوک حالت میں سامان دیکھ کر اس کی اطلاع پولیس کو دی تھی۔ Police Defuse IED in Rajouri۔

جموں و کشمیر کے سرحدی ضلع راجوری کے گردن علاقہ میں لوگوں کو مشکوک حالت میں کچھ مواد ملا، جس کی فوری طور پر اطلاع پولیس اسٹیشن کو دی گئی۔ پولیس و آرمی کی ٹیم نے موقع پر پہنچ کر معائنہ کرتے ہوئے اسے IED قرار دیا اور اس علاقہ کو محاصرے میں لےکر لوگوں کی آمد و رفت کے لیے بند کر دیا۔ وہیں سیکوریٹی فورسز نے بم اسکاڈ ٹیم کو طلب کرلیا۔ جس نے IED کو آبادی سے خالی علاقے میں لے جاکر ناکارہ بنایا۔ Security forces defused explosives in Rajouri۔

تاہم وقت پر پتہ لگ جانے سے بڑا حادثہ ہونے سے بچا لیا گیا۔ ایس ایس پی راجوری محمد اسلم نے کہا کہ وقت پر آئی ای ڈی کا پتہ لگ جانے سے بم کو ناکارہ بنادیا گیا اور اس سے جانی و مالی نقصان بھی ہوسکتا تھا۔ انہوں نے لوگوں سے اپیل کی ہے کہ کسی بھی شخص کو مشکوک حالت میں کوئی بھی چیز ملے تو فوری طور پر متعلقہ پولیس کو اطلاع دی جائے۔