اطلاعات کے مطابق راجوری سے ڈونگی جا رہی میٹا ڈور گاڑی بس اڈے سے چند میٹر کی دوری پر حادثہ کا شکار ہوگئی جس میں گیارہ مسافر زخمی ہوگئے۔
عینی شاہدین نے بتایا کہ گاڑی اچانک ڈرائیور کے قابو سے باہر ہو کر سڑک پر الٹ گئی، جس کے نتیجے میں 11 افراد زخمی ہوگئے۔
زخمیوں کو فوری طور ہسپتال منقتل کیا گیا، تاہم ان کی حالت مستحکم بتائی جارہی ہے۔
مقامی لوگوں نے بتایا کہ اس سے قبل بھی اس مقام پر کئی حادثے پیش آئے ہیں۔ انہوں نے پیش آنے والے حادثات کے لیے محکمہ تعمیرات عامہ کو ذمہ دار ٹہرایا ہے۔
مقامی لوگوں نے کہا کہ بس اڈے سے نکلتے ہی ایک بلائنڈ موڈ ہے اور مذکورہ محکمہ نے سڑک کا نقشہ غلط تیار کیا ہے۔ اس کے علاوہ سڑک کی حالت بھی خستہ ہے جس کے باعث اس مقام پر آئے روز حادثے پیش آتے ہیں ۔
