سڑک حادثے میں ایک ہلاک، متعدد زخمی

ریاست جموں و کشمیر کے راجوری میں آج ہونے والے ایک سڑک حادثے میں ایک خاتون ہلاک اور 9 افراد زخمی ہوگئے۔

راجوری سے سوکڑ جارہا ٹیمپو ڈرائیور سے بے قابو ہوکر کھائی میں جاگرا جس میں ایک خاتون ہلاک جبکہ 9 افراد زخمی ہوئے ہیں۔

زخمیوں کو راجوری کے ضلع ہسپتال میں داخل کیا گیا۔

ڈاکٹروں کے مطابق تمام زخمی افراد خطرے سے باہر ہیں۔ حادثے کی خبر کے فوری بعد اسسٹنٹ کمشنر اور تحصیلدار راجوری بھی ہسپتال پہنچے۔

ایک زخمی نے بتایا کہ سڑک کی خستہ حالی کی وجہ سے یہ حادثہ ہوا۔

انہوں نے مزید بتایا کہ ڈرائیور کی کوئی غلطی نہیں راجوری سے سوکڑ تک سڑک پر جگہ جگہ گڑھے ہیں جس کی وجہ سے حادثہ ہوا ہے۔