راجوری: نیشنل اسپورٹس ڈے کی نسبت سے تقریب کا اہتمام

جموں و کشمیر کے ضلع راجوری میں فوج کے اشتراک سے تھنہ منڈی علاقے میں اسپورٹس ڈے کی نسبت سے تقریب کا اہتمام کیا گیا۔

سرحدی ضلع راجوری کے گورنمنٹ ماڈل بوائز ہائر سیکنڈری اسکول، تھنہ منڈی میں نیشنل اسپورٹس ڈے کی نسبت سے تقریب کا اہتمام کیا گیا۔

ہائر سیکنڈری اسکول انتظامیہ اور فوج کے اشتراک سے منعقد کیے گئے پروگرام میں طلبہ نے مختلف کھیل کود کی سرگرمیوں میں حصہ لیکر اپنے جوہر دکھائے، جن میں کبڈی اور والی بال بھی شامل ہیں۔

اس موقع پر بہترین کھیل کا مظاہرہ کرنے والے طلبہ کو اعزازات سے نوازا گیا۔

منتظمین کے مطابق ہر سال اسپورٹس ڈے کی نسبت سے ہائر سیکنڈری اسکول میں تقریب کا اہتمام کیا جاتا ہے۔ ان کے مطابق اس طرح کے پروگرامز کے سبب طلبہ کھیل کود کی جانب راغب ہوکر دیگر سماجی برائیوں سے دور رہتے ہیں۔