Rajouri Firing Incident ڈانگری حملے میں ملوث حملہ آوروں کی اطلاع دینے پر 10 لاکھ روپے انعام کا اعلان

جموں و کشمیر پولیس اور نیشنل انویسٹی گیشن ایجنسی (این آئی اے) کی ٹیم یکم جنوری کو ڈانگری گاؤں میں ہوئے عسکریت پسندوں کے حملے کی تحقیقات کے لیے مشترکہ آپریشن کر رہی ہے۔ پولیس نے بدھ کو ایک نیا اعلان کیا ہے تاکہ حملہ آوروں کو جلد از جلد گرفتار کیا جا سکے۔ پولیس نے کہا کہ ڈانگری گاؤں کے حملے میں ملوث حملہ آوروں کے بارے میں جانکاری دینے والوں کو 10 لاکھ روپے انعام دیا جائے گا۔ Rajouri Incident

راجوری: جموں و کشمیر پولیس نے آج ڈانگری گاؤں میں حملے میں ملوث حملہ آوروں کے بارے میں معلومات دینے والوں کو 10 لاکھ روپے انعام دینے کا اعلان کیا ہے۔ اس کے ساتھ ہی منگل کی رات جاری کردہ ایڈوائزری میں پولیس نے حملہ آوروں کی کسی بھی طرح سے مدد کرنے والوں کے خلاف سخت کارروائی کا انتباہ بھی دیا ہے۔ یکم جنوری کو ڈانگری گاؤں میں عسکریت پسندوں نے شہریوں کو نشانہ بنایا تھا۔ پولیس ان عسکریت پسندوں کی گرفتاری کے لیے مسلسل کارروائیاں کر رہی ہیں۔ پولیس نے بتایا کہ یہ عسکریت پسند اسی علاقے میں چھپے ہوئے ہیں اور کچھ مقامی افراد ان عسکریت پسندوں کی مدد کر رہے ہیں۔ پولیس نے کہا کہ کچھ لوگ ایسے ہیں جو عسکریت پسندوں کو پولیس اور سیکورٹی فورسز کی سرگرمیوں کے بارے میں بھی معلومات دے رہے ہیں۔ اس کے علاوہ وہ ان عسکریت پسندوں کی نقل و حرکت اور کھانے پینے کی ہر چیز میں مدد کر رہے ہیں۔

پولیس نے اپنی ایڈوائزری میں واضح طور پر کہا کہ ان ’عسکریت پسندوں‘ پر کڑی نظر رکھی جا رہی ہے اور جلد ہی ان کے خلاف سخت قانونی کارروائی کی جائے گی۔ اس کے ساتھ ہی پولیس نے مقامی لوگوں کو خبردار کیا ہے کہ وہ عسکریت پسندوں کی مدد نہ کریں۔ جموں و کشمیر پولیس نے عسکریت پسندوں کے بارے میں معلومات دینے والوں کے لیے 10 لاکھ روپے اور دیگر انعامات کا اعلان کیا۔ اس کے ساتھ اطلاع دینے والوں کا نام بھی خفیہ رکھا جائے گا۔ پولیس نے عوام سے ہوشیار رہنے کی اپیل کرتے ہوئے کہا کہ ترقی کے لیے امن شرط ہے اور عوام امن کو برقرار رکھنے میں پولیس کے ساتھ ہر ممکن تعاون کریں۔ نیشنل انویسٹی گیشن ایجنسی (این آئی اے) ڈانگری حملے کی تحقیقات کر رہی ہے۔ پولیس اور سیکورٹی فورسز حملہ آوروں کا سراغ لگانے کے لیے راجوری میں بڑے پیمانے پر آپریشن کر رہے ہیں۔ یہ حملہ یکم جنوری کو ہوا تھا۔

بتا دیں کہ یکم جنوری کو راجوری کے ڈانگری گاؤں میں عسکریت پسندوں کے حملے میں سات افراد ہلاک اور 14 زخمی ہوئے تھے۔ عسکریت پسندوں کی جانب سے کچھ گھروں پر فائرنگ کی گئی تھی۔ اس حملے میں دو بھائیوں سمیت پانچ افراد مارے گئے تھے، اگلے روز آئی ای ڈی دھماکے سے دو بچے جاں بحق ہو گئے تھے۔ واضح رہے کہ اس حملے میں ملوث عسکریت پسندوں کے خلاف اب تک کوئی کارروائی نہیں ہونے کی وجہ سے گاؤں کے لوگوں میں کافی غصہ ہے۔ اتوار کو، ڈانگری کے رہائشیوں نے گاؤں میں حملوں کے پیچھے عسکریت پسندوں کا سراغ لگانے میں سیکورٹی ایجنسیوں کی 'ناکامی' پر تشویش کا اظہار کیا۔ انہوں نے دھمکی دی کہ اگر سیکیورٹی ادارے آئندہ 15 دنوں میں عسکریت پسندوں گرفتار نہ کرسکے تو وہ بھوک ہڑتال کریں گے۔ جس کے بعد سے سیکورٹی ایجنسیاں عسکریت پسندوں کو جلد از جلد گرفتار کرنے کی کوشش کررہی ہے۔