راجوری: کرنٹ لگنے سے ہیڈ کانسٹبل ہلاک

تھنہ منڈی علاقے میں ڈیوٹی پر تعینات ایک ہیڈ کانسٹبل کی کرنٹ لگنے سے موت ہوگئی۔ ہیڈ کانسٹبل کو فوری طور پر نزدیکی ہسپتال پہنچایا گیا لیکن ڈاکٹروں نے اس مردہ قرار دیا۔

جموں و کشمیر کے ضلع راجوری کے تھنہ منڈی علاقے میں بدھ کے روز ایک پولیس ہیڈ کانسٹبل کی بجلی کا کرنٹ لگنے سے موت واقع ہوگئی۔ پولیس ذرائع نے بتایا کہ تھنہ منڈی علاقے میں دوران ڈیوٹی ایک ہیڈ کانسٹبل کی کرنٹ لگنے سے موت ہوگئی۔

انہوں نے بتایا کہ مذکورہ ہیڈ کانسٹبل کو فوری طور پر نزدیکی ہسپتال پہنچایا گیا لیکن وہاں ڈاکٹروں نے اس کو مردہ قرار دیا۔

متوفی ہیڈ کانسٹبل کی شناخت محمد عارف خان ولد حاجی عبدالرشید ساکن تھنہ منڈی کے طور پر کی گئی جو پولیس اسٹیشن تھنہ منڈی میں تعینات تھے۔

دریں اثنا پولیس نے اس ضمن میں ایک کیس درج کرکے تحقیقات کا آغاز کیا ہے۔